NÓS-Unidade Popular organiza acto político sobre o processo aberto no País Basco

28 de Outubro de 2006

NÓS-Unidade Popular organizará no próximo sábado dia 4 de Novembro, polas 17 horas, um acto político em que participará a dirigente da esquerda abertzale basca Jone Goirizelaia, junto a Maurício Castro, da Direcçom Nacional da formaçom galega.

O acto pretende servir para apresentar, em primeira pessoa, a análise que o movimento independentista basco fai dos meses transcorridos desde que a organizaçom armada ETA declarou um cessar-fogo indefinido. As habituais manipulaçons mediáticas e as intoxicaçons políticas fomentadas por um dos lados enfrentados no histórico conflito basco-espanhol, tornam conveniente acedermos de maneira directa à versom do movimento popular basco.

Para isso tenhem utilidade iniciativas como a de NÓS-UP, que também oferecerá a sua perspectiva como força galega solidária com a luita do povo basco pola autodeterminaçom, a independência e o socialismo.

Será no Hotel Peregrino da capital da Galiza, e em palavras da organizaçom convocante, pretende-se também que a inciativa "sirva para reafirmar a solidariedade galega com o povo basco que luita pola sua liberdade".

 

 

Voltar à página principal