Globalizaçom capitalista em debate com Carlos Taibo em Ponte Areas

7 de Novembro de 2006

O local social Baiuca Vermelha, de Ponte Areas, acolherá na próxima segunda-feira dia 13 de Novembro, polas 21 horas, umha palestra subordinada ao tema "A globalizaçom capitalista em debate".

O analista galego de política internacional Carlos Taibo será o encarregado de oferecer umha análise do sistema capitalista mundializado actual, como parte das numerosas actividades formativas e lúdicas organizadas pola Assembleia Aberta encarregada do funcionamento do local social de referência na comarca do Condado.

Mais actividades da Baiuca Vermelha

Ontem mesmo decorreu umha rota ao monte Aloia, como parte das iniciativas para o conhecimento das comarcas do sul da Galiza, concluindo a jornada com umha churrascada de confraternidade entre as pessoas participantes.

Para esta mesma quarta-feira, dia 8, está prevista a projecçom do filme de conteúdo social "American History X", a partir das 21 horas.

No próximo sábado, dia 11, o local social de Ponte Areas acolhe um jantar popular organizado pola Sociedade Gastronómica ligada à Assembleia Aberta da Baiuca Vermelha, e no seguinte sábado, dia 18, a partir das 20 horas, decorrerá um magusto popular organizado pola mesma entidade, que continua a realizar um constante labor dinamizador na comarca do Condado.

 

Voltar à página principal