AGIR promoveu debate sobre Bolonha

5 de Junho de 2007

AGIR organizou no dia 30 de Maio um debate sobre o Processo de Bolonha, em que sob umha perspectiva de defesa do ensino público e de qualidade fôrom analisadas as conseqüências que Bolonha está a ter já para o ensino superior na Galiza, com a aplicaçom das receitas neoliberais e a entrada das empresas nas equipas de direcçom e gestom dos centros universitários.

AGIR avaliou positivamente a resposta ao debate, com boa participaçom de estudantes. O acto, que decorreu na Sala de Actos da Faculdade de Filosofia da USC, em Compostela, juntou à mesa dous professores, X. Carlos Bermejo (de História) e X. L. Barreiro Barreiro (Filosofia), junto à militante de AGIR Rute Cortiço e o também estudante Carlos Calvo, que dérom a pespectiva da esquerda independentista e da Assembleia de Estudantes.

Mais informaçom sobre o debate no web nacional de AGIR.

 

Voltar à página principal