Fevereiro vem carregado de actividade no centro social de Ponte Areas

26 de Janeiro de 2007

Diversos centros sociais do País mantenhem um forte ritmo de actividades socioculturais, dando exemplo do caminho a seguir na imprescindível auto-construçom nacional galega. Informamos desta vez do programa de actividades feito público pola Baiuca Vermelha de Ponte Areas para o próximo mês de Fevereiro:

- No dia 2: palestra com a participaçom de Xurxo Souto (ex-Diplomáticos de Monte Alto, director do programa “Aberto por reformas” da Rádio Galega) e de Roberto (membro de Skárnio e activista cultural). Ambos falarám do panorama musical galego actual. Será a partir das 21h.

- No dia 4: Roteiro desde as Neves até a Franqueira. Como o percurso excede a duraçom de outros anteriores, a entidade advirte que se jantará no caminho e nom ao final do roteiro como é costume. Serám 18 km e a difulcade é alta. Duraçom aproximada: 6h30min.

- No dia 6: Ciclo de Cinema Irlandês. Projecçom da fita "Vento de Liberdade" (The wind that shakes the barley), de Ken Loach, às 21h.

- No dia 10: Jantar popular, com a Carne ao Caldeiro como protagonista da ementa, e com requeijo com mel de sobremesa. O preço é de 7,50 euros e começa-se a jantar polas 14.30h.

- No dia 17: Apresentaçom do novidosso projecto "O Peto", um banco alternativo que está a ser criado na Galiza. A partir das 21h, um integrante do mesmo falará sobre ele.

- Nos dias 24 e 25: A partir das 19h, desenvolvem-se umhas jornadas ecologistas, com diversos grupos a exporem a situaçom actual do Rio Minho. Ao concluir as palestras, haverá umha projecçom referente ao tema. As jornadas culminam no dia 25 com um roteiro pola beira do Minho, com saída do local social da Baiuca Vermelha às 11h.

Toda a informaçom sobre estas e outras actividades da Baiuca Vermelha no seu web.

 

 

Voltar à página principal