Membros das Bases Democráticas Galegas reivindicárom autodeterminaçom nacional em Vigo

5 de Dezembro de 2006

Mais de cem membros das Bases Democráticas Galegas concentrárom-se no passado domingo na Portal do Sol de Vigo para manifestarem o rejeitamento à Constituiçom espanhola por parte do soberanismo galego.

A iniciativa fai parte dos actos diversos com que o colectivo suprapartidário reivindica, nos últimos meses, o exercício do direito de autodeterminaçom por parte do povo galego, como alternativa à reforma estatutária que negoceiam os grupos parlamentares de costas à populaçom galega.

Segundo as Bases informam no seu web, a aderente das Bases Democráticas Galegas Laura Quintillhám foi a encarregada de ler o manifesto elaborado para esta ocasiom, acompanhada de representantes de diversos movimentos sociais galegos que apoiárom o acto em favor da autodeterminaçom e reivindicativo do carácter nacional da Galiza.

A iniciativa, que concluiu com o canto do Hino Nacional, careceu de qualquer eco nos meios de comunicaçom do sistema.

 

:: Mais informaçons sobre o mesmo tema

Bases Democráticas Galegas convocam acto político autodeterminista em Vigo (+...)

 

Voltar à página principal