Bases Democráticas Galegas reclamam autodeterminaçom às portas do Parlamento autónomo

8 de Fevereiro de 2007

Um grupo de integrantes das Bases Democráticas Galegas figérom ontem umha concentraçom simbólica às portas do Parlamento autónomo, na capital galega, quando no interior as três forças políticas institucionais debatiam os motivos do fracasso de todas elas na tentativa de imporem um novo Estatuto de Autonomia.

O despregamento de umha faixa com a legenda "Autodeterminaçom" foi o gesto com que membros da iniciativa suprapartidária quigérom deixar constáncia da existência de um sector social que nom comunga com as receitas autonomistas e antidemocráticas com que PP, PSOE e BNG querem despachar os direitos nacionais do nosso povo.

As Bases Democráticas Galegas recolhem já no seu novo blogue a crónica do acto, junto a outras informaçons e documentos sobre a actividade desse organismo popular galego.

 

:: Mais informaçons sobre o mesmo tema

NÓS-UP avalia o fracasso da reforma estatutária. (+...)

Membros das Bases Democráticas Galegas reivindicárom autodeterminaçom nacional em Vigo. (+...)

Bases Democráticas Galegas convocam acto político autodeterminista em Vigo (+...)

 

Voltar à página principal