Hoje decorre II congresso de BRIGA na Corunha

28 de Outubro de 2006

A organizaçom juvenil da esquerda independentista BRIGA realiza hoje os trabalhos correspondentes ao seu II Congresso Nacional, que decorre sob a legenda "Erguemos a bandeira do combate juvenil" na cidade da Corunha.

A jornada congressual da entidade revolucionária juvenil debate umha tese política relativa à análise da política juvenil da Junta da Galiza em matérias diversas atinentes à juventude trabalhadora galega, tais como a laboral, a habitaçom, a sexualidade ou as drogas.

Além disso, a criminalizaçom de que som vítimas os sectores juvenis mais comprometidos é objecto de estudo polo Congresso de BRIGA, com especial preocupaçom pola contínua restriçom de direitos sociais que afectam o movimento popular.

A modificaçom dos Estatutos foi anunciada também por BRIGA como tema a tratar na jornada de hoje, continuaçom do I Congresso, de carácter constituinte, que decorrera em Ferrol dous anos atrás.

Nom queremos deixar de parabenizar a organizaçom juvenil independentista pola sua trajectória de luita nestes anos e desejar os melhores êxitos no seu II Congresso e na nova etapa que se abre a seguir à reuniom de hoje na Corunha. Fazemos chegar igualmente as nossas saudaçons comunistas ao conjunto da militáncia revolucionária agrupada em BRIGA.

 

Voltar à página principal