Mais actividades nos centros sociais galegos em Junho

5 de Junho de 2007

O mês de Junho começou nos centros sociais galegos com as programaçons cheias de iniciativas muito diversas nas diferentes cidades e vilas da Galiza onde dinamizam o activismo social e cultural. Vamos dar umha vista de olhos aos actos previstos em alguns dos centros sociais referenciais, que em ocasions se coordenam para estender iniciativas comuns às diversas localidades.

Norte

A Fundaçom Artábria pujo em andamento os preparativos para o Festival da Terra e da Língua, que neste ano atinge a sétima ediçom e é dedicado à memória histórica com umha perspectiva cultural. "Recuperando a nossa memória, recuperamos a nossa cultura", é o mote deste ano no Festival que decorre no Moinho de Pedroso (Narom) nos dias 27 e 28 de Julho. Como parte das iniciativas ligadas a esse evento, já foi convocado o II Concurso Musical da Terra e da Língua, dedicado a promover a criaçom musical em galego-português. As bases podem ser consultadas no blogue da entidade trasanquesa.

Antes, no dia 15 de Junho, o sociólogo basco Justo de la Cueva oferecerá umha palestra sobre a situaçom actual no País Basco. Será às 20.30h no local social da Artábria, no ferrolano bairro de Esteiro.

Centro

Na capital do País, A Gentalha do Pichel iniciou ontem um curso de formaçom musical que se vai prolongar por todo o mês de Junho. Leccionado por Dáni Sisto, centra-se em "Harmonia e corda" em sessons de duas horas de duraçom (de 19 a 21 horas) aos sábados. Mais informaçom no blogue da entidade compostelana.

Também no Pichel, no dia 18 de Junho, será apresentada a obra Ardinas da mentira, contando com a presença do autor, o jornalista português Renato Teixeira. Umha obra dedicada a analisar a manipulaçom mediática, publicada sob a chancela da editora Dinossauro. Será às 20.30h.

Sul

Também os centros sociais de Ponte Vedra e Ponte Areas apresentarám a obra de Renato Teixeira. No Centro Social A Revira, será no dia 17 às 21 horas, enquanto na Baiuca Vermelha está previsto o mesmo acto para o dia 19 de Junho, à mesma hora.

Também na Revira, continua o ciclo de cinema irlandês começado no passado dia 9 de Maio. Durante a primeira quinzena de Junho, serám projectados dous filmes: nesta quarta-feira, dia 6, No nome do filho, do ano 1996 e dirigida por Terry George. No dia 13, o clássico Agenda Oculta, de Ken Loach (1990). A entrada é livre e todas as projecçons começam às 20 horas.

Na Baiuca Vermelha, de Ponte Areas, haverá também um acto dedicado ao País Basco, com participaçom do sociológo Justo de la Cueva, no dia 17 de Junho, às 21 horas.

 

Voltar à página principal