Corunha: convocam manifestaçom em solidariedade com a Palestina

29 de Novembro de 2006

Diversas organizaçons sociais e políticas convocam para hoje umha manifestaçom em solidariedade com o povo palestiano na Corunha, sob a legenda "Nom à impunidade do Estado de Israel, isolamento total do regime sionista".

A convocatória parte da organizaçom juvenil independentista BRIGA, da Corrente Vermella, Comité de Loita Popular “Manolo Bello”, El Militante, Xuventudes Comunistas e NÓS-Unidade Popular, que respondem assim à última campanha de agressom protagonizada por Israel na faixa de Gaza. As entidades convocantes reclamam a ruptura de relaçons do Estado espanhol com o israelita, estendendo à Junta da Galiza o pedido de suspensom de qualquer colaboraçom institucional com Israel.

Quanto a essa relaçom, criticam o recente convite ao ex-ministro sionista Shlomo Ben Ami, recebido pola Conselharia da Presidência da Junta da Galiza.

A convocatória está marcada para as 20,30 horas no Obelisco da cidade herculina.

 

Voltar à página principal