Corunha: Juventude independentista e revolucionária propom "um olhar à Revoluçom Cubana"

4 de Maio de 2007

A juventude revolucionária e independentista galega organizada em BRIGA organiza na próxima segunda-feira, dia 7 de Maio, umha interessante iniciativa em solidariedade com a Revoluçom Cubana, com participaçom do cônsul da ilha na Galiza, Alejandro Fuentes.

Trata-se de umha palestra sob o mote "Um olhar à Revoluçom Cubana", que contará no apenas com a presença do representante revolucionário cubano, mas também com Moncho Leal, membro da Associaçom de Amizade Galego Cubana Francisco Vilhamil.

O acto juvenil de debate e apoio à Cuba socialista decorrerá no local da Associaçom Cultural Alexandre Bóveda, da Corunha, a partir das 20h30, e fai parte da dinámica solidária com que na Galiza está a ser impulsionada a solidariedad com o povo irmao cubano, e na qual BRIGA está a ter um papel destacado, que irá aumentar nos próximos meses com novas propostas.

É por isso que saudamos esta iniciativa, e apelamos à participaçom da base social da esquerda independentista. Lembramos que a A. C. Alexandre Bóveda é na rua Olmo da Corunha.

 

Voltar à página principal