Centros sociais aumentam actividade coincidindo com as festas de Inverno

24 de Dezembro de 2006

Diversos centros sociais populares promovem programas de actividades específicos com motivo das festas de Inverno e viragem de ano. É o caso da Fundaçom Artábria (Trasancos), A Gentalha do Pichel (Compostela) ou da Baiuca Vermelha (Condado).

Actividades em Trasancos

A primeira das entidades referidas desenvolve durante os meses de Dezembro e Janeiro actividades diversas, dirigidas a públicos também diversos. Assim, promove o cinema em português com a projecçom dos filmes Formiguinhaz, O Gato e Kenai e Koda; organiza vários concertos, entre eles o de Zënzar decorrido ontem mesmo; e duas festas, umha na noite de hoje e outra na viragem de ano, para receber 2007 à grande. Toda a informaçom sobre essas e outras actividades da Artábria no seu web.

Actividades em Compostela

O Centro Social d'o Pichel, gerido pola associaçom A Gentalha do Pichel, organiza também umha festa de despedida para o ano 2006. Começa às 00h00 segundo a hora galega, e inclui dous ambientes em cada um dos dous andares do centro social: a festa "pachanga" no andar de cima e a foliada no de baixo. Toda a informaçom no blog da Gentalha.

Actividades no Condado

Por seu turno, o centro social Baiuca Vermelha, de Ponte Areas, organiza um jantar de viragem de ano, com os grelos e as filhoas como protagonistas da ementa. Seguirá-se também umha festa a partir da 1 da manhá. Ao contrário do que é costumeiro nos locais comerciais, a entrada será de graça e nom haverá aumentos de preços. Consulta os pormenores no web da Baiuca Vermelha.

 

 

Voltar à página principal