Reganosa, UPG e burguesia trasanquesa celebram conjuntamente a chegada do primeiro gaseiro a Mugardos

10 de Maio de 2007

Dificilmente poderia alguém imaginar tam acelerada descomposiçom ideológica como a que está a sofrer o "núcleo duro" do que historicamente foi motor do nacionalismo galego de esquerda. No entanto, os factos som teimosos e deixam pouca margem às escusas "tácticas" ou de "ritmos" a quem ainda quiger justificar a degeneraçom do sector maioritário na direcçom do Bloque Nacionalista Galego.

Graças a umha filtraçom jornalística, o movimento popular trasanquês tivo conhecimento na tarde de ontem do comunicado "anónimo" emitido com motivo do acto de celebraçom convocado para hoje, dia 10 de Maio, nos terrenos em que fôrom construídos os depósitos da planta de gás de Reganosa.

Só um dia depois da chegada, escoltado e no meio da violência policial contra o movimento social contrário a Reganosa, do primeiro barco gaseiro que conseguiu entrar finalmente na ria de Ferrol, o presidente de Reganosa, Félix Alonso Encinas, o conselheiro da Indústria da Junta da Galiza, Fernando Branco (UPG-BNG) e o presidente da Cámara Municipal de Mugardos, Xosé Fernandes Várzea (UPG-BNG), celebrarám juntos o início de actividades do projecto.

Nom estarám só eles, é claro. Estám convidados também "representantes do sector empresarial", quer dizer, a nata da burguesia comarcal, que depois de resolvido o "incómodo" produzido por marisqueiros, ecologistas e outra arraia miúda trasanquesa, brindarám com certeza com um bom vinho espanhol pola vitória que para eles a as suas economias supom a imposiçom da planta de gás.

Como legado documental, apresentamos o comunicado de imprensa recebido polos meios de comunicaçom, em que se anuncia o solene e infame acto oficial de desprezo ao nosso povo ("coctel" na terminologia oficial), a decorrer em Mugardos hoje a partir das 17 horas.

Devemos, por respeito à verdade, reconhecer que houvo alguns e algumhas militantes do BNG, e até alguns ex-veredores demitidos, nas mobilizaçons destes dias contra Reganosa. Sabemos também que umha parte das suas bases é contra esse projecto especulador e perigoso, e devemos dizê-lo para evitarmos meias-verdades.

Porém, o aparelho partidário e institucional, a sua representaçom oficial, a organizaçom como tal, situa-se inequivocamente do lado de Tojeiro, Caixa Galicia, Caixa Vigo, Endesa, Fenosa e companhia...

Para evitar qualquer margem à interpretaçom, reproduzimos o tal comunicado na sua língua originária, em pulcro espanhol de perfeito colonizado:

Convocatoria a medios de comunicación- Jueves 10 de mayo

Mañana jueves, el presidente de Reganosa, Félix Alonso Encinas, el alcalde de Mugardos, Xosé Fernández Barcia y el conselleiro de Innovación e Industria de la Xunta de Galicia, Fernando Blanco Álvarez, asistirán al acto de presentación de la llegada del primer buque metanero a la terminal de Reganosa, en Mugardos.

Los mismos estarán a disposición de los medios gráficos una vez rematado el acto en las propias instalaciones de la regasificadora. A continuación se servirá un cóctel.

Fecha: Jueves 10 de mayo

Hora: 17 horas

Lugar: Instalaciones de Reganosa, en Mugardos

Se ruega c onfirmar acreditación antes de las 19 horas de hoy, en los teléfonos 981 575 244 o 981 575 249

CONFIDENCIALIDAD. El contenido de esta comunicación, así como el de toda la documentación anexa, es confidencial y va dirigido únicamente al destinatario del mismo. En el supuesto de que usted no fuera el destinatario, le solicitamos que nos lo indique y no comunique su contenido a terceros, procediendo a su destrucción.

[...]

 

Voltar à página principal