Centenas de pessoas mobilizárom-se em Ferrol contra Reganosa

13 de Maio de 2007

Mais de quinhentas pessoas concentrárom-se no meio-dia de ontem no cais de Corujeiras de Ferrol, para protestarem contra a entrada irregular do primeiro metaneiro na ria, para realizar provas na planta de gás de Reganosa em Mugardos.

As pessoas concentradas manifestárom colectivamente o rejeitamento ao projecto dos três principais partidos institucionais (PP, PSOE e BNG), exigindo às instituiçons públicas respeito à segurança da comarca e a paralisaçom de actividades da planta de gás instalada no coraçom da ria de Ferrol. Além disso, representantes do Comité de Emergência da Ria de Ferrol exigírom a demissom do delegado do governo espanhol na Galiza, Manuel Ameixeiras, do presidente da Autoridade Portuária de Ferrol, Amable do Pico, ambos do PSOE, e do delegado da Indústria na Corunha.

Numerosas entidades populares de todo o tipo apoiárom a concentraçom, convocada urgentemente após a violenta incursom do gaseiro na ria, na passada quarta-feira. Membros do Comité de Emergência anunciárom que a resistência ao projecto vai continuar, incluídas as tentativas de bloqueio dos barcos gaseiros que se aproximem proximamente.

Membros de NÓS-Unidade Popular e de BRIGA participárom na concentraçom de ontem e na sua preparaçom, manifestando o apoio da esquerda independentista às iniciativas populares tendentes a deter o projecto dos banqueiros, empresários e políticos vendidos.

 

Voltar à página principal