Novo ataque terrorista de Israel em Gaza

2 de Novembro de 2006

Oito palestinianos morrêrom e 50 ficárom feridos ontem após a incursom do Exército de Israel na faixa de Gaza, num operativo denominado "Nuvens de Outotono" e protagonizado por 20 viaturas blindadas, helicópteros, avions nom tripulados e numerosos efectivos militares. A via de Beit Hanun, de 20.000 habitantes, foi o principal alvo do ataque sionista, sem que os milicianos palestinianos pudessem enfrentar a enorme superioridade militar dos invasores.

Além da morte de palestinianos, as escavadoras que acompanhavam a incursom destruírom os campos de cultura agrícola das redondezas da vila, afectando gravemente um dos meios de vida da populaçom local.

O massacre coincide com o acesso de Avigdor Lieberman, líder da extrema-direita israelita, ao Governo de coligaçom que preside Ehud Olmert, que já avançara a vontade de "aumentar a pressom sobre Hamas", incluindo umha possível ofensiva em grande escala. Coincidem estes assassinatos também com as conversas entre palestinian@s e sionistas para a possível troca de prisioneir@s, sendo este tipo de provocaçons umha constante dos governos israelitas cada vez que se abre umha possível via negociadora.

Mais umha vez, a impunidade que a comunidade internacional outorga a Israel, permite-lhe jogar com a vida da populaçom palestiniana como arma de negociaçom ao serviço dos seus planos expansionistas.

 

Voltar à página principal