Centro Social da esquerda independentista em Compostela estreia blogue

20 de Março de 2007

O Centro Social Henriqueta Outeiro, iniciativa da esquerda independentista na capital da Galiza aberto no ano 2004, acaba de estrear novo web, através de um blogue incluído no espaço cedido polo Portal Galego da Língua a todo o tipo de entidades e pessoas que promoverem a nossa língua com perspectiva reintegracionista.

O novo espaço, acompanhado de novo visual, junta-se a outros centros sociais como o da Fundaçom Artábria (Trasancos), A Revira (Ponte Vedra), Aguilhoar (Límia), A Esmorga (Ourense) ou o Pichel (Compostela), além de outras entidades diversas, que partilham o mesmo sistema de blogues disponibilizado pola AGAL.

Além da estreia de novo blogue, o Henriqueta Outeiro anuncia várias actividades no mês em curso, tais como a conferência de Xurxo Souto sobre o inventor dos matraquilhos, Alexandre Fisterra, para amanhá dia 21 de Março; um campeonato da referida disciplina, na sua já V ediçom, em colaboraçom com o colectivo de Siareir@s Galeg@s de Compostela; e umha palestra sobre mitologia popular galega, a cargo de Carlos Solha Varela. Também informa do novo serviço de internet sem fios livre para as pessoas que acederem ao local. Mais informaçom no novo blogue do Centro Social Henriqueta Outeiro.

 

Voltar à página principal