Concentraçom solidária com três independentistas na Corunha

23 de Janeiro de 2006

A entidade juvenil independentista BRIGA convocou umha concentraçom em solidariedade com os três jovens que vam ser julgados amanhá, quarta-feira, nos tribunais da Corunha, acusados de terem pintado um mural numha das principais entradas à cidade.

Os factos partem da campanha desenvolvida por BRIGA em favor da autoorganizaçom juvenil, que decorreu nos últimos meses em diversas comarcas da Galiza, e pom de manifesto a perseguiçom política e judicial contra a actividade da esquerda independentista no nosso país.

De facto, o mural que motivou a denúncia foi feito num muro carente de qualquer valor patrimonial ou estético, o que situa a mensagem nele escrita, "Jovem e Rebelde", como único motivo para a activaçom do actual processo repressivo.

A concentraçom será a partir das 9h30 em frente da sede dos tribunais corunheses, reivindicando a liberdade de expressom e o fim dos julgamentos políticos.

De Primeira Linha manifestamos a nossa solidariedade aos três companheiros represaliados e aderimos à convocatória em defesa do exercício dos direitos políticos por parte do nosso povo.

 

Voltar à página principal