Organizam debate entre entidades juvenis
24 de Fevereiro de 2007
O Centro Social Henriqueta Outeiro, de Compostela, publicita no seu web o debate organizado para a próxima terça-feira dia 27 de Fevereiro, subordinado ao tema “Situaçom e perspectivas da juventude galega”.
Está confirmada a assistência de Roi Ribeira, por Galiza Nova, Sérgio Pinheiro, por BRIGA, Xan Lamelas, polas Juventudes Comunistas e um representante indeterminado da AMI. A iniciativa fai parte de um ciclo de debates mensais que venhem decorrendo no referido centro social independentista, em que, de umha óptica soberanista e de esquerda, som abordados diversos aspectos da actualidade galega e internacional.
O início do debate está marcado para as 20 horas e o lugar é o próprio Centro Social, localizado na rua Quiroga Palácios, 42, rés-do-chao, da capital da Galiza.