Trabalhador galego da construçom morto em acidente laboral no País Basco

26 de Novembro de 2006

Diversos meios informam da morte de um trabalhador galego do sector da construçom civil numha obra de Donosti (Sam Sebastiám), no País Basco, referindo como fonte o Departamento do Interior do Governo autonómico basco.

O acidente mortal aconteceu polas 11 horas de ontem, ao receber o operário um forte impacto na cabeça com umha placa metálica durante uns trabalhos numha obra localizada nas redondezas da rotunda de Errotaburu, da capital guipuscoana.

O trabalhador, de 39 anos e nascido em Ponte Vedra, foi atendido de urgência por umha equipa deslocada ao lugar do acidente, mas a sua reanimaçom foi já impossível.

Carecemos de maiores concreçons sobre as circunstáncias e responsabilidades desta nova morte de um obreiro galego, desta vez trabalhador emigrante, acontecida num dos sectores de maior risco na Galiza e, segundo se comprova, também noutros territórios do Estado espanhol.

 

Voltar à página principal