Associaçom cultural da Seabra organiza jornadas sobre língua em Lubiám

2 de Dezembro de 2006

A associaçom cultural "Xente Nova" de Lubiám (Seabra) e a área de Normalizaçom Língüística da Universidade de Vigo organizam, hoje sábado e amanhá domingo, as primeiras Jornadas de Língua e Cultura Galegas em Lubiam, concelho galegofalante excluído da Comunidade Autónoma da Galiza.

A iniciativa situa como objectivo a promoçom do uso do galego no ensino, tendo em conta que a nossa língua carece de qualquer protecçom ou reconhecimento legal. A existência de um Acordo de Colaboraçom entre a Junta da Galiza e a Junta de Castela e Leom permitiria que, no mínimo, pudesse haver umha introduçom do galego como matéria voluntária, tal como acontece no vizinho Berzo.

A entidade das Portelas apela também para a Carta Europeia das Línguas Regionais e Minoritárias na hora de defender avanços para os direitos lingüísticos no concelho e a comarca.

O programa das Jornadas abre hoje às 16.30h com um campeonato de bowling entre a equipa "Os Lobos" de Lubiam e "Os do Valo" de Manselho (Corunha). A seguir, os presidentes das cámaras municipais de Lubiam, Hermisende, Porto, Pias assistirám ao acto inaugural, com presença também do director da Área de Normalizaçom Lingüística na Universidade de Vigo, Xosé Henrique Costas.

Conferências sobre o galego da comarca, sobre a memória histórica das Portelas, apresentaçom de umha obra de Bernardo de Diego, sessom de conta-contos, umha mesa redonda sobre a situaçom do galego na sociedade e na escola de Lubiam, completam um programa intenso que esperamos poda servir para avanços concretos para o uso do galego-português na Seabra.

Voltar à página principal