Siareir@s Galeg@s apoiam destituiçom de dirigentes da Federaçom Galega de Futebol

2 de Abril de 2007

A destituiçom cautelar de vários integrantes da Directiva da Federaçom Galega de Futebol, por iniciativa da Direcçom Geral para o Desporto da Junta da Galiza, provocou a adesom do colectivo de Siareir@s Galeg@s, que considerou umha boa notícia o fim da trajectória do grupo de poder pró-PP à frente da Federaçom.

Num comunicado público, o referido colectivo lembra que Julio Meana, Ramón de Llano, Benxamín Amido e Luís Caridad formárom durante anos um muro de contençom perante as reivindicaçons nacionais galegas no ámbito desportivo, em perfeita simbiose com o Partido Popular.

Siareir@s Galeg@s responsabilizam esse grupo de evitar que as selecçons galegas pudessem reconstituir-se durante o fraguismo, o que se une às práticas de corrupçom agora levantadas por acusaçons formais que forçárom a destituiçom de parte da Directiva da FGF.

O principal colectivo defensor dos direitos nacionais galegos no ámbito desportivo reclama à Junta da Galiza que a correcta destituiçom de Julio Meana e companhia sirva para dar um impulso à participaçom galega como naçom nas competiçons internacionais, tal e como prometera o próprio Santiago Domingues, responsável da Direcçom Geral em causa, no início da legislatura actual.

 

Voltar à página principal