Fim de semana lúdico e de compromisso social em Compostela

26 de Janeiro de 2007

A entidade cultural A Gentalha do Pichel propom-nos um fim de semana de actividades culturais e sociais a nom perder por quem tiver ocasiom de participar nelas. Trata-se de um concerto dos Estalotes na sexta-feira às 22 horas, no Centro Social do Pichel, com foliada musical garantida.

Já na manhá do sábado, haverá umha visita guiada ao Memorial da Liberdade, exposiçom aberta no compostelano Auditório da Galiza, contando com dous historiadores especialistas na história da Galiza do século XX a exercerem labores de guias: Uxio Breogán e Dionísio Pereira.

Finalmente, à tardinha, o Centro Social do Pichel comemora umha Diada dos Països Cataláns, com a projecçom do documentário Arrels de Lluita, às 20 horas, e um debate sobre a especulaçom urbanística nos Països Cataláns, umha hora mais tarde. Participarám activistas sociais cataláns.

Umha festa com comidas e bebidas típicas catalás culmina a jornada. Mais informaçons no blog da Gentalha do Pichel.

 

Voltar à página principal