Por umha vivenda digna em Ponte Areas

15 de Março de 2007

Umha grande faixa foi pendurada num prédio em construçom localizado em pleno centro de Ponte Areas, paralisado por ordem judicial e exemplo do modelo urbanístico que impera na Galiza. A legenda exibida durante umhas horas, até ser arrancada do lugar visível em que tinha sido colocada por membros de Ponte Areas de Esquerda, foi "Contra a corrupçom urbanística e por umha vivenda digna".

O colectivo organizado no concelho de Ponte Areas para apresentar umha candidatura popular alternativa aos partidos "tradicionais" na vila condadesa quijo assim reivindicar o direito a umha vivenda digna e denunciar a especulaçom urbanística que tantos estragos tem causado em Ponte Areas.

Ponte Areas de Esquerda explica no seu blogue o seu projecto de defesa da vivenda pública a baixo custo para a maioria trabalhadora, combatendo o negócio das promotoras, construtoras e entidades financeiras.

Podes ver mais imagens e informaçons sobre a actividade municipal de Ponte Areas de Esquerda aqui.

 

Voltar à página principal