Apresentam na Corunha informe sobre a repressom policial

1 de Maio de 2007

Diversas entidades corunhesas apresentárom em conferência de imprensa, na passada sexta-feira, um informe sobre as actuaçons repressivas das forças policiais espanholas durante o último ano.

Iniciativa do Movimento Polos Direitos Civis, no acto participárom José Emílio Vicente, do referido Movimento, o advogado José Ángelo Brandariz, e representantes de colectivos especialmente agredidos pola polícia espanhola nos últimos meses: o quadro de pessoal de Atento, os empregados e empregadas públicas da Cámara Municipal da Corunha e Diego Bernal, representante de Siareir@s Galeg@s.

O porta-voz do Movimento polos Direitos Civis na conferência de imprensa, decorrida na sede da CIG, relatou os numerosos casos de violência policial indiscriminada contra a populaçom organizada, sob comando de Manuel Ameixeiras, junto à anterior subdelegada, Obdúlia Taboadela, como responsáveis políticos da utilizaçom das forças policiais contra manifestaçons populares de mui variadas motivaçons, ao ponto de superarem "amplamente as registadas na época do aznarismo".

Pode aceder-se a mais informaçons sobre a iniciativa que noticiamos nos webs do colectivo de Siareir@s Galeg@s e do Movimento polos Direitos Civis.

 

Voltar à página principal