Repressom ataca Siareir@s Galeg@s: concentraçom nos julgados da Corunha amanhá às 9 horas

14 de Maio de 2007

Um integrante do colectivo de Siareir@s Galeg@s deverá depor amanhá, terça-feira dia 15 de Maio, como imputado polos danos ocasionados pola carga policial contra umha manifestaçom em defesa dos direitos nacionais galegos em matéria desportiva, acontecida a 28 de Dezembro de 2006.

A comparência será nos julgados da Corunha, e o jovem membro do colectivo, Diego Bernal, é agora o alvo eleito pola polícia e as instáncias policiais para pagar polo confronto provocado pola própria força de choque policial espanhola, que rebentou a manifestaçom com umha brutal carga ordenada pola Delegaçom do Governo espanhol na Galiza.

Siareir@s Galeg@s manifesta no seu web o apoio ao companheiro Diego Bernal, convocando a umha concentraçom solidária às portas dos tribunais, amanhá, dia 15, a partir das 9 horas da manhá.

Aderimos à convocatória e exigimos a livre absoluçom do jovem, cujo único "delito" é o seu contrastado compromisso em defesa dos direitos da nossa naçom em matéria de representaçons desportivas.

 

Voltar à página principal