Manifestaçom exigirá retirada da proposta de rua para Fraga em Compostela

27 de Novembro de 2006

A Plataforma Rua Fraga Nom, constituída na capital da Galiza para fazer frente à proposta do PSOE de dedicar umha rua de Compostela ao ex-ministro franquista, convoca umha mobilizaçom nesta terça-feira, dia 28, às 20.30 na praça do toural.

Mais de vinte entidades sociais, sindicais e políticas, entre as que se acham NÓS-UP, AGIR e BRIGA, constituírom a referida Plataforma, que já realizou alguns actos simbólicos na sua campanha de repulsa à iniciativa institucional.

Por seu turno, NÓS-UP incide desde há meses, também através de umha campanha própria, em que “nom se pode consentir que o governo municipal de Compostela em vez de retirar a simbologia fascista ainda presente no termo municipal incremente o seu censo dando a Fraga Iribarne nome de umha rua”.

Em lugar disso, a organizaçom independentista e socialista propom, como já figera em Dezembro de 2005, “a organizaçom de umha homenagem pública de reconhecimento a tod@s @s compostelan@s que pacedêrom repressom polo compromisso com a liberdade e a justiça social, nomeando filh@s predilect@s da cidade tod@s @s vizinh@s assassinad@s polo fascismo”.

Toda a informaçom sobre a manifestaçom e o manifesto difundido pola Plataforma Rua Fraga Nom, pode ser consultada no blog aberto pola entidade popular, em

http://ruafraganon.blogspot.com

 

Voltar à página principal