Quase 50.000 comunistas russ@s marchárom polas ruas de Moscovo no 89 aniversário da Revoluçom de Outubro

18 de Novembro de 2006

As ruas de Moscovo reunírom umha das maiores manifestaçons dos últimos anos em comemoraçom da primeira Revoluçom proletária triunfante, dirigida por Lenine em 1917. O octogésino nono aniversário levou às ruas da capital russa quase 50.000 manifestantes no passado dia 7 de Novembro (25 de Outubro no calendário ortodoxo).

A data, que deixou de ser feriado há dous anos por iniciativa do governo de Putin, congregou umha manifestaçom proibida em princípio por iniciativa do presidente, que acabou por admiti-la com restriçons e com polícias a roderar ameaçadoramente e por completo @s manifestantes.

Jovens revolucionári@s enfrentárom as provocaçons policiais, realizando-se um número indeterminado de detençons. Contodo, apesar da neve e a polícia, a mobilizaçom foi um êxito e converteu a avenida Tvérskaia numha maré vermelha que se dirigiu até a praça do Teatro Bolshoi, totalmente cheia, onde se realizou o comício final.

 

Voltar à página principal