Jornada de apoio às selecçons nacionais galegas em Compostela

24 de Maio de 2007

O colectivo que mais intensamente vem trabalhando para reclamar a participaçom das selecçons galegas em todo o tipo de competiçons oficiais de carácter internacional, Siareir@s Galeg@s, convoca no sábado dia 2 de Junho umha nova jornada de actividades lúdicas e reivindicativas na capital da Galiza.

Às 16.30 horas, no estádio compostelano de Santa Isabel, decorrerá um jogo de futebol entre membros de Siareir@s e personalidades conhecidas do nosso país, como os Tonechos, Xurxo Souto ou os ex-futebolistas Otero e Nacho.

Já à tardinha, a sala Capitol acolhe um concerto definido pola entidade organizadora como "100% antifa e 100% galego": Non Residentz, Skacha e Skárnio, por 10 euros comprando o bilhete com antecedência ou 12 na bilheteira. Os bilhetes podem ser adquiridos nos centros sociais de Compostela (CS Henriqueta Outeiro e CS O Pichel ou no Bar Fraguel Rock), Corunha (CS Atréu), Ourense (CS A Esmorga), Ponte Vedra (CS A Revira e Tenda Tipo), Trasancos (CS da Fundaçom Artábria) e Vigo (CS A Revolta, CS A Faísca, Café os Piratas da Ria e na loja A Pola na Pola).

Mais informaçons no web d@s Siareir@s Galeg@s.

 

Voltar à página principal