Siareir@s Galeg@s convoca manifestaçom em apoio aos direitos nacionais no ámbito desportivo

14 de Dezembro de 2006

A entidade de torcedores e torcedoras em favor das selecçons próprias, Siareir@s Galeg@s, promove umha campanha à volta do jogo que enfrentará no próximo dia 28, na Corunha, as selecçons nacionais da Galiza e o Equador.

Além de promover a assistência activa ao estádio de Riazor e fazer da partida umha reivindicaçom em favor de um maior compromisso institucional às selecçons próprias, Siareir@s Galeg@s convocam umha manifestaçom prévia, às 19 horas, que partirá do Campo da Lenha e se dirigirá até o estádio.

O colectivo quer assim, segundo indica no seu web, "reclamar passos efectivos para que as nossas equipas nacionais podam participar em campeonatos e competiçons internacionais em igualdade de condiçons com outras naçons e Estados, isto é, para reclamar a oficialidade e reconhecimento internacional para as selecçons galegas".

Nom queremos deixar de manifestar o nosso incondicional apoio à convocatória realizada pol@s companheir@s de Siareir@s Galeg@s, ao tempo que @s parabenizamos polo grande trabalho realizado durante o último ano, nas mais diversas disciplinas desportivas, reivindicando que a Galiza poda ocupar o lugar que lhe corresponde no palco internacional, também no plano desportivo.

 

Voltar à página principal

 

 

Clica na imagem do cartaz editado pol@s Siareir@s Galeg@s para o veres em tamanho maior