Juventude independentista leva de novo Sons Jovens às ruas da capital

16 de Maio de 2007

A juventude revolucionária e independentista organizada em BRIGA volta com a segunda ediçom dos Sons Jovens, proposta alternativa aos programas culturais institucionais da capital da Galiza, enlatados e de costas viradas à juventude trabalhadora.

O precedente da ediçom de 2006 nom pudo ser melhor sucedido, pois a iniciativa de BRIGA de abrir um espaço em Compostela para os grupos musicais excluídos polas programaçons da Cámara Municipal compostelana tivo um acolhimento muito bom na gente nova da capital.

Daí que BRIGA insista agora com esta proposta autogerida de intervençom cultural. Será nesta sexta-feira, dia 18 de Maio, a partir das 21h30 na praça 8 de Março, como parte das festas de Compostela. Os grupos locais participantes som desta vez: O Chícharo Psicótico (Punk-rock), Diskórdia (ská) e Ataque Escampe (rock).

A convocatória juvenil responde nesta segunda ediçom à palavra de ordem "A rua é nossa!" e constitui umha contestaçom às programaçons culturais e musicais da instituiçom municipal compostelana, em maos do bipartido PSOE-BNG. Assistindo, apoiamos a autogestom dos movimentos sociais sob parámetros galegos e populares.

Sons Jovens em Compostela´07
Sexta-feira 18 de Maio, às 21h30 na Praça 8 de Março


- O Chícharo Psicótico
- Diskordia
- Ataque Escampe

 

Voltar à página principal