5 anos em rede: com 62.169, Maio foi o melhor mês em número de visitas desde a activaçom do nosso portal

2 de Junho de 2007

O recém concluído mês de Maio -quinto aniversário da abertura deste portal- marcou um novo recorde absoluto em número de visitas a Primeira Linha em Rede, atingindo pola primeira vez as 62.169, sendo feitas 23.994 delas a partir de computadores diferentes. Um importante incremento que ultrapassa as 60.090 que era o recorde anterior de visitas num único mês.

O portal do nosso partido tivo, portanto, umha média de visitas diárias superior às 2.000, exactamente 2.005, o que dá ideia da importante massa de visitantes que Primeira Linha em Rede consegue atrair, apesar da modéstia de meios técnicos e de todo o tipo que vimos enfrentando desde que, a 31 de Maio de 2002, foi inaugurado este espaço de informaçom independentista e comunista galega na Internet.

Desde aquela altura, as visitas nom deixárom de crescer, convertendo-nos num espaço referencial tanto a nível de informaçom sobre actos e iniciativas populares, como para a formaçom através de artigos de opiniom, análises de fundo e outros textos sobre a realidade da Galiza e o mundo, sempre com umha perspectiva marxista e independentista.

Além do mais, nos últimos meses incorporamos umha nova secçom de vídeos sobre as mais diversas temáticas em relaçom às luitas na Galiza e o mundo, que conseguiu ganhar novas adesons de visitantes, segundo confirma o aumento do número de visitas desde essa altura.

Nom queremos deixar de agradecer a toda a comunidade de visitantes de Primeira Linha em Rede a sua fidelidade, reafirmando o nosso compromisso no melhoramento da oferta comunicativa e formativa que aspiramos a representar.

À margem dos manipuladores e intoxicadores meios do sistema, a nossa continuidade permitirá, como até hoje, a comunicaçom directa do projecto revolucionário galego com o povo trabalhador de que fazemos parte, bem como darmos a conhecer aos povos do mundo a existência de um povo com vontade de ser e existir, chamado GALIZA.

A equipa que fai possível este projecto quer transmitir-vos, a todos e a todas, um cálido e sincero... muito obrigad@s!

 

Voltar à página principal