Mais iniciativas antifascistas no 20-N

21 de Novembro de 2007

Coincidindo com o aniversário da morte do ditador e genocida Francisco Franco, numerosas iniciativas mobilizadoras e de limpeza do franquismo acontecêrom em vários pontos do nosso país. Já informamos da algumhas das mais significativas, mas houvo mais.

Assim, na capital da Galiza, o estudantado independentista retirou umha placa de homenagem ao reitor franquista Legaz Lacambra, que se mantivo no cargo entre os anos 1942 e 1947, existente no Cámpus Sul da Universidade de Compostela.

Em lugar da placa apologética do franquismo, AGIR colocou um rótulo dedicado à Federaçom Universitária Escolar (FUE), organizaçom estudantil progressista liquidada polos golpistas em 1936.

Centenas de pessoas nas ruas contra o fascismo

Também no 20-N, de tarde, as ruas de Compostela acolhêrom mais umha manifestaçom contra o fascismo, de composiçom principalmente juvenil, com activa participaçom da esquerda independentista, nomeadamente através das entidades estudantil (AGIR) e juvenil (BRIGA).

Fôrom por volta do meio milhar de pessoas, que marchárom polas principais ruas do centro rodeadas em todo o momento por umha forte presença policial.

Apesar da forte presença policial, a provocaçom de umha incontrolada fascita que pendurou umha bandeira de Espanha numha janela foi contestada por manifestantes que a arrancárom imediatamente. Durante todo o percurso, fôrom realizadas pintagens de conteúdo antifascista, recebendo a polícia espanhola alguns impactos de pintura em resposta à sua atitude provocatória.

'Nom passarám', 'Nengunha agressom sem resposta', 'Fora as forças de ocupaçom' e 'Compostela será a tumba do fascismo' fôrom algumhas das palavras de ordem mais repetidas.

Depois desta manifestaçom, podemos falar já de vários milhares de galegos e galegas nas ruas do País, durante a última semana, para fazer frente ao fascismo espanhol, após o assassinato em Madrid de um jovem antifascista menor de idade, esfaqueado por um militar profissional de filiaçom neonazi.

Voltar à página principal