Juventude independentista comemora 90 anos da Revoluçom Russa

26 de Outubro de 2007

A juventude independentista e revolucionária galega organizada em BRIGA realiza nestes dias diferentes murais dedicados a comemorar os 90 anos transcorridos desde a vitória proletária na Rússia de 1917, sob liderança de Vladímir Ilitch Ulíanov, Lenine.

Umha data de referência para qualquer organizaçom revolucionária no mundo, que as e os jovens de BRIGA reivindicam como a lembrança da "primeira grande revoluçom proletária a nível mundial" (...) "Umha apaixonante página de ouro escrita polo proletariado russo que ajudou à conscientizaçom generalizada d@s oprimid@s do mundo na sua luita contra o capitalismo e ao avanço dos processos revolucionários planetários".

Os murais realizados polos companheiros e companheiras de BRIGA incluem o busto de Lenine e legendas como "Todo o poder para o povo", "Poder Popular" ou "Poder Proletário", e fam parte da importante actividade propagandística da juventude independentista, que marcou como objectivo realizar um mural por dia, ao longo da Galiza, durante um ano completo.

Podem ver-se mais murais no web de BRIGA.

 

Voltar à página principal