Assembleia de Mulheres do Condado organiza III Jornadas Feministas

12 de Junho de 2008

A autoorganizaçom feminista no Condado cumpre cinco anos e a AMC comemora-o com actividades diversas centradas, como sempre, na reivindicaçom dos direitos das mulheres e na sua plena emancipaçom do domínio patriarcal. Durante o actual mês de Junho, duas pintoras da comarca exponhem a sua obra no Local Social Baiuca Vermelha, servindo de idóneo pano de fundo para as III Jornadas Feministas do Condado, que decorrem nos dias 12, 13 e 14 de Junho.

A ediçom deste ano inclui as palestras com duas mulheres que fam trabalho sindical em diferentes pontos da Galiza, que abordarám dous aspectos da luita feminista: a transexualidade e a libertaçom sexual. As Jornadas completam-se com a projecçom do vídeo 'Assuntos Internos', de Xoán Anleo e Uqui Permui, e com umha ceia de mulheres com música ao vivo. Eis o programa completo:

III Jornadas Feministas do Condado

5 anos de autoorganizaçom feminista no Condado

Exposiçom de pintura feminina. Todo o mês de Junho

Quinta feira 12 de Junho:

Palestra:

Feminismo e Transexualidade a cargo de Laura Bugalho Sanches

Sindicalista e activista de TransGaliza (Associaçom de pessoas trans da Galiza)

Projecçom do vídeo:

Asuntos Internos de Xoán Anleo e Uqui Permui. Trata de diferentes ópticas feministas na vivência pessoal de várias mulheres galegas.

Sexta feira 13 de Junho:

Palestra:

Mulher e libertaçom sexual a cargo de Berta Lopes Permui,sindicalista e activista do movimento juvenil galego.

Sábado 14 de Junho:

Jornada feminina com ceia de mulheres e actuaçom de pandereteiras.

Todos os actos terám lugar no Local Social Baiuca Vermelha a partir das 21 h.

 

Voltar à página principal