Outro operário morto, agora em Ponte Areas

21 de Junho de 2007

Um trabalhador da construçom civil, empregado pola empresa Granitos Mondariz, morreu ontem em Ponte Areas, ao cair-lhe em cima umha pedra de grandes dimensons.

O operário tinha 55 anos e nom pudo ser salvo apesar das tentativas de reanimaçom, sem que se se saiba o motivo concreto de que se dessem as circunstáncias do acidente.

Dada a "cautela" com que os meios de comunicaçom costumam tratar os acidentes laborais, evitando qualquer informaçom que poda comprometer a empresa, desconhecemos maiores concreçons sobre esta nova morte no posto de trabalho de um obreiro galego.

Limitamo-nos, portanto, a apontar um novo caso com resultado de morte, que provavelmente ficará no esquecimento como tantos outros, sem que ninguém responda pola continua sucessom de sinistros que sempre pagam os mesmos e as mesmas, de maneira especialmente intensa na Galiza.

 

Voltar à página principal