AGIR organiza palestras sobre 'roles de género na educaçom'

25 de Março de 2008

AGIR organiza em Compostela duas palestras sobre 'Roles de género na Educaçom", nas faculdades de Arte, Geografia e História da USC. Serám nos dias 26, quarta-feira, e 27, quinta-feira, às 19h30.

A primeira das palestras será protagonizada pola sindicalista Branca Guerreiro, integrante do Sindicato de Trabalhadoras e Trabalhadores do Ensino da Galiza (STG), e será dedicada a reflectir sobre a experiência da conferencista como docente, em relaçom a conceitos como co-educaçom, e a necessidade de que o professorado galego assuma novos valores relativos aos roles de género impostos até hoje às crianças.

A escritora Teresa Moure falará na segunda palestra, centrando-se no ámbito lingüístico com umha perspectiva feminista e superadora dos estereótipos discriminadores para a mulher, nomeadamente no que di respeito à funçom da língua como suporte na transmissom dos valores patriarcais na sociedade actual.

Mais informaçom sobre esta iniciativa no web do estudantado independentista.

 

Voltar à página principal