Centenas de estudantes manifestam-se em Compostela contra Bolonha

5 de Dezembro de 2007

Várias centenas de estudantes, marcados e marcadas por dúzias de polícias espanhóis, manifestárom-se ontem polas ruas de Compostela contra o Espaço Europeu de Educaçom Superior (EEES), polos nocivos efeitos que está a ter para o ensino universitário galego. A manifestaçom foi convocada pola Assembleia Geral de Estudantes da USC, onde participa o estudantado independentista organizado em AGIR.

A sucessom de iniciativas como a desta convocatória, que partiu da praça do pam ao meio-dia de ontem, reflecte o estado de opiniom estendido em importantes sectores do estudantado galego quanto à privatizaçom encoberta do ensino, a reduçom de ajudas e serviços ao estudantado e as novas barreiras colocadas para a formaçom de licenciados e licenciadas, e a sua incorporaçom ao mercado laboral em condiçons dignas.

A actividade da Assembleia Geral continua, mantendo reunions todas as semanas para manter a mobilizaçom contra Bolonha, tal como vem acontecendo noutros países europeus desde que a nova política neoliberal começou a ser aplicada ao ensino superior no continente.

 

:: Mais informaçons sobre o mesmo tema

Estudantado universitário convoca manifestaçom contra Bolonha. (+...)

 

Voltar à página principal