Apresentam na Galiza "Ardinas da Mentira", ensaio português sobre a manipulaçom mediática

18 de Junho de 2007

A colaboraçom entre vários centros sociais galegos e a entidade estudantil AGIR trará à Galiza cinco actos de apresentaçom de Ardinas da Mentira, ensaio do jornalista português Renato Teixeira que, sob a chancela da editora Dinossauro, analisa a manipulaçom e a censura nos meios de comunicaçom oficiais no capitalismo. Ponte Vedra, Corunha, Ponte Areas e Compostela som as localidades em que será apresentado.

O livro foi já ontem apresentado em Ponte Vedra, no centro social A Revira. Nesta mesma manhá som os e as estudantes independentistas de AGIR que organizam um acto similar na Corunha. Ainda hoje, mas à tarde, Renato Teixeira apresenta a obra no centro social O Pichel, de Compostela, às 20.30 horas.

Já na terça-feira, dia 19 de Junho, será a vez de Ponte Areas, numha apresentaçom organizada no centro social Baiuca Vermelha, a partir das 21 horas. E, por último, quarta-feira, a Faculdade de Jornalismo de Compostela acolhe a palestra de apresentaçom de Ardinas da Mentira de manhá, num acto organizado pola organizaçom estudantil independentista AGIR.

 

Voltar à página principal