Autocarro ultra contra o galego foi enxotado de Narom
21 de Fevereiro de 2008
O autocarro fretado por "Galicia Bilíngüe" para percorrer a Galiza em defesa da supremacia espanhola chegou hoje a Narom, situando-se à entrada de um conhecido centro comercial. Aginha se juntou em torno dele um grupo de pessoas a reclamar que se fosse embora com o seu discurso antigalego.
A reacçom dos ultras foi agressiva, tentando agredir umha rapariga das que se concentrárom contra a presença do grupo de provocadores de extrema-direita. O autocarro foi rodeado por numerosa polícia, chegando a contabilizar-se 4 carros zeta, umha carrinha e mais de 8 membros da brigada de informaçom.
Apesar da cobertura policial ao colectivo pró-espanhol, o autocarro foi pintado por alguém com um sprai. A polícia, como é costume, identificou as pessoas concentradas em defesa da nossa língua, ameçando-as com denúncias por "concentraçom ilegal".
Afinal, o autocarro foi-se com menos de 10 assinaturas recolhidas. Porta-vozes de "Galicia bilíngüe" culpárom as "coacçons" das pessoas concentradas do fracasso, já que no pouco tempo que estivérom no lugar recebêrom mais negativas para assinar do que assinaturas efectivas.