BRIGA anuncia 366 murais ao longo do País nos próximos 12 meses

8 de Setembro de 2007

A entidade juvenil independentista BRIGA vai realizar um mural por dia durante um ano, numha campanha iniciada no recém concluído mês de Agosto e que irá concluir no mesmo mês de 2008, coincidindo com o aniversário da morte de Moncho Reboiras. Um desafio às próprias forças que quer servir para visualizar "a transformaçom do mundo que nos rodeia".

BRIGA informa no seu web desta nova campanha agitativa que quer combater a passividade e afirmar que a transformaçom é possível, que o capitalismo nom é eterno e que "a dissidência é o único caminho, a subversom umha arma que devemos interiorizar como um acto reflexo cada um dos dias da nossa vida, os 365 dias do ano".

O texto d@s jovens revolucionári@s explica que "vivemos num mundo essencialmente violento, em que como jovens e como mulheres sofremos duplamente umha violência que nom sempre é explícita, mas que socava aos poucos a nossa mente, a nossa criatividade, a nossa inteligência e a nossa capacidade de decidir e actuar. Neste mundo, e na altura em que nos achamos, temos duas opçons mui claras: Ou transformamos radicalmente a realidade, ou nom há futuro para ninguém, com excepçom quiçá d@s mesm@s que se beneficiam desta situaçom."

Pode ver-se toda a informaçom relativa à iniciativa de BRIGA, que quer também servir de reivindicaçom da liberdade de expressom, no seu web.

 

Voltar à página principal