BRIGA em campanha de agitaçom juvenil

6 de Novembro de 2007

A organizaçom juvenil independentista e de esquerda, BRIGA, continua a desenvolver umha intensa campanha de murais em numerosos pontos da geografia nacional, sob a legenda global de "Muitas luitas. @s jovens transformando Galiza". A Marinha, Muros e Noia, Trasancos, Corunha, Barbança e Caldas som algumhas das comarcas em que fôrom realizados murais nos últimos dias.

A campanha começou no fim do passado Verao e, segundo afirma BRIGA, tem três objectivos: dar a conhecer o projecto de BRIGA entre a juventude da Galiza, convidá-la a aderir à luita e, mais genericamente, exercer e reivindicar as ideias da esquerda independentista e a liberdade de expressom.

Para tal, os Grupos de Base da entidade juvenil revolucionária estám a investir um importante esforço que se prolongará até o próximo Verao, e que já atingiu a realizaçom de mais de meia centena de murais em muros do diferentes lugares da Galiza.

A temática está a ser variada: a comemoraçom dos 40 anos da morte de Che Guevara, a lembrança do comunista galego José Ramom Reboiras Noia, a reivindicaçom da soberania nacional, legendas antimilitaristas, em defesa das selecçons desportivas, etc.

No seu balanço dos primeiros meses de campanha, BRIGA salienta já alguns casos de perseguiçom policial, e a firme determinaçom juvenil de nom calar e continuar a expressar-se livremente.

Mais informaçons e imagens da campanha no web de BRIGA.

 

Voltar à página principal