Actividades nos centros sociais

29 de Fevereiro de 2008

Centros sociais reintegracionistas e independentistas constituem parte substancial da actividade sociocultural desenvolvida na actualidade na nossa naçom. Nom é a nossa intençom abranger a totalidade de iniciativas actuais, pois felizmente som cada vez mais. Mas sim informar sobre algumhas de interesse em diferentes pontos do País.

Compostela

O centro social do Pichel, na capital da Galiza, continua com um bom ritmo de actividades, dentre as quais salientamos, hoje mesmo, umha conferência intitulada 'Do grande ao pequeno: a pegada ecologica', a cargo de Tino Quintela, coordinador da FEG (Federaçom Ecologista Galega).

A seguir, a Gentalha convida a participar numha excursom nocturna para observar petróglifos em pontos da comarca compostelana, nas paróquias de Conjo e o Pedroso.

E amanhá, no Porto, decorre umha 'intervençom cultural galega' repartida entre o local 'Maus hábitos' (rua Passos Manuel, 178), chamada 'Galiza em tránsito', e a FNAC, com música, literatura e festa. Toda a informaçom está disponível no blogue da Gentalha do Pichel.

Ourense

Hoje mesmo, dia 29, a partir das 22h30, o centro social A Esmorga, de Ourense, organiza um concerto de funk, com presença da banda 'Leite de Nai'. O preço do bilhete é de 3 € para sócias e sócios e 4 € nom sócias e sócios.

Ferrol

Em Ferrol, no centro social da Fundaçom Artábria, festa e concerto organizados polo colectivo de Siareir@s Galeg@s, coincidindo com o jogo de estreia da selecçom galega de futebol de salom. Começa polas 22h, actua o grupo de punk-rock de Pontedeume Arenga, assim como os DJ´s de Sem Fronteiras sound anti-sistema. A entrada é de graça.

Corunha

No caso do centro social Gomes Gaioso, ainda em construçom na Corunha, aproveitamos para informar de que o seu blogue disponibiliza imagens da homenagem que o colectivo promotor do centro social dedicou no passado dia 3 de Novembro ao luitador comunista Gomes Gaioso. Também nós colocamos aqui as belas imagens, que incluem umha peça musical de Mini e Mero no cemitério de Santo Amaro, na Corunha.

 

Voltar à página principal