Certame Literário Feminista do Condado atinge quinta ediçom

18 de Maio de 2008

A Assembleia de Mulheres do Condado (AMC) convoca por quinto ano consecutivo o seu concurso literário feminista, que como cada ano servirá para fomentar a produçom literária da mulher em galego e de temática feminista. O prémio é de 300 euros e os trabalhos literários apresentados som de temática livre associada à problemática social específica das mulheres, e o prazo de apresentaçom de textos conclui a 31 de Agosto.

Reproduzimos a seguir as bases do certame, que som divulgadas pola AMC no seu blogue:

1-A Assembleia de Mulheres do Condado (AMC) convoca o V Certame Literário Feminista do Condado, com o objectivo de reivindicar os direitos das mulheres e denunciar a nossa marginalizaçom e exploraçom.

2-A temática será livre sempre que esteja relacionada directa ou indirectamente com a situaçom de opressom, dominaçom e exploraçom que padecem as mulheres no actual sistema patriarcal.

3-Poderám participar todas as mulheres que o desejarem sem limites de idade.

4-Os trabalhos serám apresentados exclusivamente em língua galega.

5-O certame está aberto a qualquer género literário (romance, poesia, teatro, ensaio).

6-O júri é constituído por três mulheres representativas da comarca.

7-O prémio estará dotado com 300 euros, podendo o júri declará-lo deserto ou dividir a quantidade citada em accesits na sua totalidade ou em parte.

8-O prazo de apresentaçom de trabalhos finaliza no domingo dia 31 de Agosto de 2008.

9-Os trabalhos serám apresentados por triplicado num envelope em que se fará constar na parte exterior o título e um pseudónimo da autora e, em envelope diferente, identificado com o título do trabalho e o seu pseudónimo, serám entregues os dados pessoais da autora: nome e apelidos, Bilhete de Identidade (BI), endereço, telefone de contacto.
Os envelopes serám enviados por correio certificado ao Local Social Baiuca Vermelha Rua Redondela nº11 rés-do-chao C.P. 36860 de Ponte Areas, a nome da AMC.

10-O trabalho ou trabalhos premiados ficarám em propriedade da Assembleia de Mulheres do Condado. Embora a autora ou autoras manterám os seus direitos sobre segundas ou posteriores ediçons de ser publicado o trabalho premiado.

11-Os trabalhos nom premiados ficarám a disposiçom das autoras durante um prazo de dous meses umha vez atribuído o prémio. Após finalizar este período de tempo, serám destruídos.

12-A interpretaçom das presentes bases som atribuiçom do júri.

13-A decisom do júri é inapelável.

14-A participaçom no prémio supóm a aceitaçom das suas bases.

 

Voltar à página principal