SOS Courel precisa de apoio económico para defender esse espaço natural perante a justiça

9 de Outubro de 2007

O colectivo SOS Courel, que leva meses a denunciar a estratégia predadora dirigida por empresas e administraçom contra o espaço natural e cultural dessa serra oriental galega, vai continuar com a sua campanha contra a espoliaçom mineral e pola protecçom integral desse território. Para tal, umha vez que nem o Parlamento autonómico nem a Junta da Galiza dérom ouvidos às vozes favoráveis à conservaçom da riqueza ambiental e paisagística courelá, irám ao Tribunal Superior de Justiça da Galiza para tentar deter o desastre.

É necessário que SOS Courel apresente um recurso contra a autorizaçom de exploraçom dada polo Conselho da Junta à empresa "La Campa-Santa Eufemia", em plena bacia do rio Lor, antes do dia 10 de Outubro, mas para isso cumpre contar com umha importante quantidade de dinheiro. A seguir, a primeiros de Novembro, SOS Courel tenciona apresentar um segundo recurso contra a licença de actividade da mesma empresa mineira. A seguir, viria o recurso contra a licença de abertura, entre outros possíveis processos contenciosos.

Em definitivo, fai falta dinheiro para apoiar a luita dos companheiros e companheiras de SOS Courel. A defesa do território e da cultura courelá exige o nosso compromisso solidário e o contributo económico é umha das vias para manter a luita.

E por isso que, convencid@s da necessidade de manter cada umha das luitas em andamento graças à iniciativa popular no nosso país, somamo-nos à campanha de angariaçom de fundos para a defesa do Courel frente às agressons empresariais, que infelizmente contam com cobertura das mesmas instituiçons públicas que deviam garantir a sua protecçom.

Eis o núemro de conta de “La Caixa” onde devem ser depositados os contributos económicos: 2100 2183 56 0200181109. A iniciativa corresponde à "Asociación Ecolóxico-Cultural SOS Courel", con NIF G273624 74, con enderezo postal en “Santa Eufemia, nº32, Folgoso do Courel. 27327 Lugo”.

on ten ánimo de lucro, e tal e como consta nos seus estatutos debe promover todas aquela medidas que leven a acadar a “Posta en valor, recuperación e conservación do Patrimonio Natural e Cultural do Courel”.

Para qualquer esclarecimento, SOS Courel disponibiliza o correio electrónico soscourel@mundo-r.com, o endereço postal indicado acima e o telefone 607 22 58 87.

:: Mais informaçons sobre o mesmo tema

[Vídeo] Apresentadas 21.000 assinaturas pola protecçom da Serra do Courel. (+...)

 

Voltar à página principal