Juventude independentista organiza seminário de formaçom sobre a Revoluçom Cubana

22 de Outubro de 2007

Militantes e simpatizantes de BRIGA, a organizaçom juvenil independentista, e estudantes de AGIR, enchêrom a sala de actos do Centro Social Henriqueta Outeiro de Compostela, numha jornada de formaçom dedicada ao estudo da Revoluçom Cubana, que contou com a presença do cônsul cubano na Galiza, Alejandro Fuentes.

Durante quase três horas, o companheiro cubano expujo a situaçom actual do processo revolucionário no seu país, atendendo às numerosas perguntas da juventude independentista galega. A democracia socialista cubana, o trabalho dos Comités de Defesa da Revoluçom, a história e funcionamento do Partido Comunista Cubano, o Período Especial, a ALCA e outros temas de grande interesse e actualidade fôrom abordados numha sessom formativa que sem dúvida contribuirá para elevar o nível político e ideológico de umha nova geraçom de revolucionários e revolucionárias galegas que garantem o fortalecimento e continuidade do nosso Movimento de Libertaçom Nacional.

Com efeito, esta nova actividade formativa fai parte de um programa que ao longo do ano inclui seminários e cursos de marxismo e de outras matérias organizativas e ideológicas fundamentais na formaçom da militáncia revolucionária galega.

Representantes das entidades organizadoras, AGIR e BRIGA, entregárom a Alejandro Fuentes, no fim da sessom, umha figura galega com umha inscriçom de dedicatória "Ao heróico povo cubano".

 

Voltar à página principal