Juventude e estudantado independentista realizárom V Escola de Formaçom

18 de Março de 2008

As entidades juvenil e estudantil do Movimento de Libertaçom Nacional Galego, BRIGA e AGIR, organizárom mais um ano a Escola de Formaçom, com que desde a Primavera de 2004 venhem investindo em debate para elevar o nível político e sociocultural da militáncia nova da esquerda independentista.

Ambas entidades informam nos seus webs e no blogue da Escola de Formaçom das actividades incluídas na convocatória deste ano, que decorreu entre Poio e Ponte Vedra e incluiu jogos populares, festa, música, roteiros e seminários formativos sobre sexualidade e sociolingüística.

Parabenizamos os companheiros e companheiras de BRIGA e de AGIR polo importante esforço com que cada ano dedicam todo um fim de semana à formaçom e à reflexom colectiva, imprescindíveis para o avanço nos objectivos estratégicos do nosso movimento de libertaçom nacional e social de género.

 

Voltar à página principal