ENCE-ELNOSA continuará a poluir em Ponte Vedra à vontade

6 de Maio de 2008

Umha das empresas mais poluentes da Península, segundo o último estudo publicado por Greenpeace, contará com outros três anos de autorizaçom pública oficial para manter o ritmo de contaminaçom na ria de Ponte Vedra. Falamos, de ENCE-ELNOSA, com certeza.

Assim o garantiu o conselheiro do Ambiente, Manuel Vázquez, do PSOE, em declaraçons à Rádio Galega, poucos dias depois de que milhares de pessoas voltassem a sair às ruas da cidade pedindo o fim das licenças para o derrame livre de cloro e outras substáncias perigosas nas águas da costa pontevedresa.

Estamos, segundo reconheceu o presidente da Cámara de Ponte Vedra, diante de um flagrante incumprimento dos compromissos adquiridos no pacto entre o PSOE e o BNG no início da actual legislatura. Porém, as palavras de Fernandes Lores, atento ao estado de ánimo popular na cidade que governa, nom conseguem lavar a cara do BNG, co-responsável por todas as políticas aplicadas polo bipartido, incluída a nova licença para ELNOSA.

É correcto que Fernandes Lores denuncie a evidente 'traiçom' do PSOE neste tema. No entanto, falta a segunda parte: porque o BNG nom reage e exige o cumprimento dos compromissos por parte do PSOE?

Será que alguém vai sentir-se 'reconfortado' polo desacordo estético de Lores? Ou será que o presidente da Cámara de Ponte Vedra vai ainda exigir ao seu grupo político um compromisso claro para fechar já o negócio de Caixa Galicia e deter por fim essa factoria, representativa do modelo de desenvolvimento franquista?

 

Voltar à página principal