Palestra sobre a história do movimento estudantil em Compostela

20 de Junho de 2007

Nesta quinta-feira, dia 21 de Junho, o investigador Ricardo Gurriarán falará no Centro Social Henriqueta Outeiro de Compostela sobre o movimento estudantil, com umha perspectiva histórica.

O acto, que começará às 20.30 horas, tratará do nascimento e evoluçom entre os anos 1868 e 1968, e quer servir para dar algumhas chaves que ajudem a compreender a trajectória posterior e até a actualidade. A análise começa na instauraçom da I República espanhola, continua com a ditadura de Primo de Rivera, a chegada da II República espanhola, e conclui com umha visom do movimento estudantil durante a ditadura franquista, até a revolta de 1967.

O conferencista, Ricardo Gurriarán, é professor de secundário no IES Gelmires I de Compostela, e publicou diversas obras e trabalhos sobre a história da Galiza e do ensino no nosso país.

 

Voltar à página principal