Continuam mobilizaçons antifascistas

18 de Novembro de 2007

O assassinato de um jovem antifascista em Madrid, esfaqueado por um soldado profissional de filiaçom neonazi, continua a produzir respostas espontáneas em numerosos pontos da Península Ibérica e Europa, Galiza incluída.

Já informamos da marcha de Ponte Vedra no dia 15. Na mesma jornada, centenas de pessoas partipárom em Vigo e a Corunha em manifestaçons semelhantes. Em Berlim, na Alemanha, umhas 300 pessoas participárom numha manifestaçom contra o fascismo em resposta ao assassinato de Madrid, e houvo outras decorridas em cidades Iruña (Euskal Herria), a especialmente combativa de Barcelona (Països Cataláns) e outras cidades da Península, incluída a própria Madrid.

Também ontem, Noia, Ourense e Ferrol tinham convocadas manifestaçons e concentraçons antifascistas. No momento de redigirmos estas linhas, só podemos informar da realizada na cidade do noroeste galego, onde mais de cem pessoas participárom numha concentraçom que se transformou em manifestaçom polas ruas do centro, atrás de umha faixa com a legenda 'Contra o fascismo e o racismo, nengumha agressom sem resposta!'.

Lembramos que para o dia 20 está convocada umha nova mobilizaçom, desta vez na capital da Galiza, com saída da praça de Vigo às 19h30.

 

Voltar à página principal