Participantes nas XII Jornadas Independentistas Galegas concluírom visita à Galiza

isagz2

18 de Abril de 2008

A camarada e os camaradas latino-americanos convidados à Galiza polo nosso partido concluírom a sua participaçom em numerosos eventos em diferentes pontos do País, de que fomos informando neste espaço. Narciso Isa Conde, líder histórico do movimento revolucionário dominicano, foi o último a abandonar a Europa após ter participado no seu último acto público: umha conferência pública na sede da CIG em Ferrol.

NIC-Ferrol3

Antes disso, o camarada dominicano tinha oferecido umha palestra no Clube Internacional de Imprensa, onde manifestou a sua explícita solidariedade com o projecto independentista galego, solicitando a retirada da bandeira espanhola do estrado donde dirigiu as suas palavras ao público presente.

Na noite do mesmo dia 16, Narciso Isa Conde participou numha entrevista no programa 'Aqui já é noite', da Rádio Galega, onde expujo o ideário revolucionário bolivariano e a existência de umha vaga de luitas de carácter continental na América Latina, que deve contar com a solidariedade internacionalista do povo galego.

  isagz1

Além de agradecermos a boa resposta de assistência aos actos, de Primeira Linha, queremos manifestar o nosso agradecimento ao camarada dominicano Narciso Isa Conde, ao argentino Néstor Kohan, à cubana Elena Martínez Canals e ao basco Iñaki Gil de San Vicente. A visita de todos eles e ela, a participaçom em palestras, seminários internos de formaçom, entrevistas e outras iniciativas serviu sem dúvida nom apenas para darem a conhecer na Galiza algumhas das luitas mais dignas que se livram hoje no planeta, mas também para que esses povos saibam que no nosso povo existe também umha luita social e política pola independência nacional e o socialismo.

A camaradagem e o internacionalismo proletário constroem-se com iniciativas práticas como estas, que o nosso partido sempre praticou e continuará a praticar no caminho da nossa libertaçom nacional e social de género.

:: Olha aqui as galerias e vídeos da visita d@s marxistas latino-american@s e basco à Galiza:

- Imagens das XII Jornadas Independentistas Galegas

- Imagens do périplo de Narciso Isa, Néstor Kohan e Elena Martínez Canals

- Vídeos das XII Jornadas Independentistas Galegas

 

Voltar à página principal