Galiza vai jogar com a selecçom dos Camarons

13 de Dezembro de 2007

Depois dos jogos contra o Uruguai e o Equador, em 2005 e 2006, desta vez a Galiza jogará com a selecçom africana dos Camarons, umha das maiores potências desse continente, no próximo dia 27 de Dezembro. O jogo vai decorrer em Vigo e na mesma jornada haverá partida entre as selecçons femininas da Galiza e da Catalunha.

O colectivo de Siareir@s Galeg@s, entidade que durante a última década vem fazendo trabalho em favor do pleno reconhecimento oficial das selecçons nacionais galegas em todas as competiçons internacionais, está a preparar umha série de iniciativas para reforçar essa reivindicaçom, incluindo, como cada ano, umha manifestaçom no dia em que a selecçom galega e a camaronesa jogam em Vigo.

Entre as iniciativas d@s Siareir@s Galeg@s, está umha nova campanha de filiaçom ao colectivo, para o qual estám já a ser distribuídos cartons que acreditam essa condiçom, bem como a apresentaçom do documentário "1996-2006. 10 anos luitando por Galiza", dedicado a difundir o importante trabalho dessa entidade em defesa da plena oficialidade das nossas selecçons e a recuperaçom dos direitos nacionais galegos no ámbito desportivo.

Esperamos poder oferecer mais informaçons sobre todo o relacionado com as actividades d@s Siareir@s Galeg@s em torno do jogo do dia 27 de Dezembro nos próximos dias.

 

Voltar à página principal